Kausa Nabasa Ang Tubig (with Guitar Chords)

Kausa Nabasa Ang Tubig
Composed by: Allan Jayme Rabaya
Chords by: Allister Levi Sanchez
Ref URL: http://www.youtube.com/watch?v=7nLjE_XW-gE

Gm -- Eb - Dsus - D

Gm                             Cm         F,
Tulog na, mata ko, piyong na
Bb          Bb/A                Gm     Eb,D,
Huni mo,    panahon hunonga.
       Gm              Gm/F
Kalibutang buak,
           Eb                   Cm
Mga laya nga buwak,
              D                        D7
Kinandaduhang lawak...

               Gm              Gm/F
Sa tunga-tunga sa kangitngit
            Eb              D     D7    Gm      Eb,D,
May nabati nga kasakit ang langit.

Gm          Gm/F              Cm    Cm,F,
Buntag na, mata ko, mata na.
Bb            Bb/A               Gm      Eb,D,
Bundak na, uwan na, karon na!
          Gm                     Gm/F
May aninong samaran,
               Eb                     Cm
Libo ug usa ka bayranan,
                     D                   D7
Milyon ug duha ka suliran...

               Gm             Gm/F
Sa tunga-tunga sa kahayag
       Eb              D     D7          G
Tinaguan nga ibutyag, ipadayag!

 C          D                          G         Bm,Em,
Kinsa ikaw, sunog nga hulagway?
              Am               D                         G
Nanglimbisog, nakig-away sa kahamugaway.
 C                                 D/C
Tanlag mo ang tanlag ko,
          Bm                             Em
Sukdanan sa pagkahuyang ko;
        Eb                   A
Mga linging pangutana,
          D            Gm
Kinsa ka, kinsa ka?
        Eb                       A
Katumanan ba sa pagsalig
                 D                       D7 Gm
Ang pagbasa mo sa akong tubig?

Gm         Gm/F                      Eb   Cm,F,
Sidlak na, mga tagak nga bitoon.
Bb         Bb/A                       Gm   Eb,D,
Hilak na, pinangga ko'ng igsoon.
       Gm            Gm/F
Binilanggo ako
              Eb                        Cm
Sa kagahapong nagmahal,
                D                      D7
Ang kaugmaon gisugal...

               Gm              Gm/F
Sa tunga-tunga sa kamingaw
        Eb                  D             G      G7
Gipangita ko ang adlaw ug ikaw!
                Cm                  F
Sa tunga-tunga sa kapakyasan,
                      Bb         Gm      Eb
Palihog, ang hangin iduyan...

            D                         Gm    Eb
Gugma mo, kalampusan ko...
                 D                 Gm    Eb D Gm
Gugma mo, kadaugan ko.

Tipigi

Ayaw tipigi ang kalipay
Ug ang luha ipadagayday.
Buhi-i.

Sa matag taknang tinakos
Tagamtama matag gakos.
Tilawi.

Ayaw tipigi ang kayugot,
Wa'y bili ang pagdumot.
Lugayi.

Sa matag pasaylo, pangagho.
Ipalangtod ang kaayo.
Kalimti.

Ay'g tipigi'ng kahinangop.
Ang kinabuhi motiklop.
Sugdi.

Ang matag higayon, puy-i.
Himo-ang tam-is nga kaagi,
'Nya tipigi.

- http://handum.blogspot.com

Kausa Nabasa Ang Tubig

Composer: Allan Jayme Rabaya

Click here or here for the video.

Tulog na, mata ko, piyong na

Huni mo, panahon hunonga.

Kalibutang buak,

Mga laya nga buwak,

Kinandaduhang lawak...

Sa tunga-tunga sa kangitngit

May nabati nga kasakit ang langit.

Buntag na, mata ko, mata na.

Bundak na, uwan na, karon na!

May aninong samaran,

Libo ug usa ka bayranan,

Milyon ug duha ka suliran...

Sa tunga-tunga sa kahayag

Tinaguan nga ibutyag, ipadayag!

Kinsa ikaw, sunog nga hulagway?

Nanglimbisog, nakig-away sa kahamugaway.

Tanlag mo ang tanlag ko,

Sukdanan sa pagkahuyang ko;

Mga linging pangutanga,

Kinsa ka, kinsa ka?

Katumanan ba sa pagsalig

Ang pagbasa mo sa akong tubig?

Sidlak na, mga tagak nga bitoon.

Hilak na, pinangga ko'ng igsoon.

Binilanggo ako

Sa kagahapong nagmahal,

Ang kaugmaon gisugal...

Sa tunga-tunga sa kamingaw

Gipangita ko ang adlaw ug ikaw!

Sa tunga-tunga sa kapakyasan,

Palihog, ang hangin iduyan...

Gugma mo, kalampusan ko...

Gugma mo, kadaugan ko.

Plurku#7: Tapiraw

Nagtuyok nga tapiraw,

daw taphaw apan tataw

nga mikutlo sa mubong sagbot.

Ug nangalimyon

sa hangin ang kahumot.

(Unang namantala dinhi.)

Sikwate

Pagkalami gayud ini imnon
Pangwala sa panuhot sa kabuntagon
Gatunaw pa ba ka'g tableya
sama sa akong apuhan sa una?
O mokalos na lang ba ka
sa Milo o Ovaltine nga gikan sa lata?

Diyut-diyut mahinumduman
Daw saging luto o sabaw sa inun-unan.
Bisan karong ni-a na sa laing nasud
Di gayud malimtan ang pag-amuma nga tinuod.
Di gayud matandi, wa gayuy sama,
Sama sa sikwate nga hastang espisoha.

Apan tungod ni-a man sa layo
Mapanganduyong paghandum na la'y ako,
Ug "Cacao fort sucré" gikan sa vendo,
Tag baynti-sinko sentimo euro ang baso.
Mao ni karon ang akong sikwate
Kay wa man jud ko nahilig sa kape.

Mga Pagtulon-an Sa Kinabuhi

(Lessons from Life)

Ang batang ginabiay-biay, mahimong mahadlokon.
(A child who lives with ridicule, learns to be timid.)

Ang batang ginasaway, makat-on sa pagtunglo.
(A child who lives with criticism, learns to condemn.)

Ang batang wa gisaligan, mahimong tikasan.
(A child who lives with distrust, learns to be deceitful.)

Ang batang gina-away, makat-on sa pagsukol.
(A child who lives with antagonism, learns to be hostile.)

Ang batang ginapangga, makat-on sa paghigugma.
(A child who lives with affection, learns to love.)

Ang batang ginadasig, makat-on sa pagtu-o.
(A child who lives with encouragement, learns confidence.)

Ang batang nagdako sa kamatu-oran, makat-on sa katarong.
(A child who lives with truth, learns justice.)

Ang batang ginadayeg, makat-on sa pagtamud.
(A child who lives with praise, learns to appreciate.)

Ang batang nabuhi sa panag-ambit, ma-manggihuna-huna-on.
(A child who lives with sharing, learns to be considerate.)

Ang batang nagdako sa kahibalo, makat-on sa kina-adman.
(A child who lives with knowledge, learns wisdom.)

Ang batang nabuhi sa pagpa-ilob, mahimong madinawaton.
(A child who lives with patience, learns to be tolerant.)

Ang batang nagdako sa kalipay, makakaplag sa gugma ug katahum.
(A child who lives with happiness, will find love and beauty.)

-- Gihubad sa Binisaya ni (Cebuano translation by):
Teryoks (http://handum.blogspot.com)

Tuplok

Tuplok, tuplok,
buntag, udto, hapon.
Tuplok, tuplok, tuplok
hangtud sa kagabhi-on.

Ang keyboard mo-uplok
apan daw di jud maluta;
Ug wa jud nisibat
ang mouse nga dili ilaga.

Bug-at nga kamot,
Kubalan nga pulsohan;
Hapdos na'ng mata,
Busdik ang tiyan.

Apan tuplok ang kalipay,
Mao pu'y panginabuhi.
Busa tuplok gikan s' buntag,
Tuplok hangtud s' gabi-i.